Maeve non sabe moito sobre si mesma. Só que non deixa de pensar en se a súa nai cumpriu todos os seus soños antes de morrer, que a relación co seu noivo vai cada vez peor e que está cansada de que todos os seus días sexan iguais.
Cando, por un impulso, acaba comprando un billete só de ida á outra parte do mundo para volver á vila na que viviu cando era nena, o que menos esperaba era reencontrarse alí co que foi o seu mellor amigo da infancia.
Connor sempre soubo que tarde ou cedo Maeve regresaría. O que nunca pensou é que fora ser así.
Tan caótica. Tan perdida. Coma se aínda estivese por definir.
Se o medo de ambos é desperdiciar as súas vidas sen facer nada que mereza a pena, que mellor que escribir unha lista con todo o que queren facer antes de morrer e cumprila xuntos?

1º-2º BAC

3º-4º ESO