As múltiples vidas da física teórica Elsie Hannaway acabaron atrapándoa. De día é profesora adxunta. Afánase en corrixir exames e ensinar termodinámica coa esperanza de, algún día, conseguir a titularidade. De noite, complementa o seu inexistente soldo ofrecendo o servizo de ser unha noiva falsa, o cal leva a cabo con éxito grazas ás súas habilidades para caerlle ben á xente e encarnar calquera versión de si mesma que necesite o cliente.
O certo é que é un traballo estupendo... ata que o Elsie-verso que tanto lle custou construír vénse abaixo. Jack Smith, o irmán arrogante e irritantemente atractivo do seu cliente favorito, resulta ser o físico experimentalista sen corazón que arruinou a carreira do seu mentor e minou a reputación dos teóricos a nivel mundial. E ese mesmo Jack Smith, que é quen dirixe o departamento de Física do MIT, interponse agora entre Elsie e o traballo dos seus soños.
Ela está disposta a poñer en marcha unha guerra de sabotaxe académica, pero... que son esas miradas tan longas e penetrantes? Como é que, cando está con el, non ten que ser unha versión diferente de si mesma? Caer na órbita dun experimentalista conseguirá que, por fin, poña en práctica todas as súas teorías sobre o amor?